Qırımlı abituriyentlerniñ Ukraina qıta qısmında yerleşken aliy oquv yurtlarına kirmesi içün daa bir qaç yolu bar dep bildirdi «Almenda» ukrain vatandaş tasili merkeziniñ talilcisi Oleg Ohredko.
Oquvğa kirmek içün Qırım sakinleri mahsus bir şartlarğa istinaden, 35 ukrain AOY esasında çalışqan «Qırım - Ukraina» Tasil merkezlerniñ yalıñız bir danesine vesiqa teslim ete dep qayt etti mutehassıs. Faqat, menfiy neticege baqmadan, Qırımlı abituriyentler içün «başqa yollar da mevcut».
«Olar «Qırım - Ukraina» Tasil merkezleri olğan AOY bağlı kollejge; «Qırım - Ukraina» Tasil merkezleri olğan AOY paralı oğuvğa kirmek; meslek-tehnik oquv yurtına kirip oquy bilecek yolları bar. Bundan da ğayrı, daa bir yolı bar, o da - devlet büceti esabına oqumaq», – dep qayd etti Oleg Ohredko.
Bu mevzunen bağlı tafsılâtlı malümatnı Qırım.Aqiqatnıñ «Ukrainada oquvğa kiriş kampaniyasınıñ yekünlenüvi: qırımlı abituriyentlerniñ ale daa bir fursatı bar» adlı materialında tapabilesiñiz.
Ukraina tasil ve ilim nazirligi daa evel Qırım ve Donbasstan kelgen abiturihyentler içün tafsilâtlı talimat derc etken edi.
İşbu talimatta, bu territoriyalardan kelgenler içün qısqartılğan sistemağa binaen tasil merkezleri vastasınen AOY ne zaman ve ne şekilde kirmek mumkün olacağı aqqında malümat berilmekte.
Nazirlik malümatına köre, Qırım sakinleriniñ qısqartılğan sistemağa binaenukrain AOY VNOsız kirmesi içün 35 dane «Qırım - Ukraina» Tasil merkezleri çalışmaqta.
Ukraina tasil ve ilim nazirligi daa evel, vaqtınca işğal etilgen Donbass ve Qırımda berilgen tasil vesiqaları Ukrainada ve başqa devletlerde tanılamy ve iç bir türlü uquqiy küçke saip degil dep bildirgen edi.
