İyülniñ 30-ına, bazarertesi künü, Aqmescitniñ bir qaç soqağında bütün kün yarıq olmaycaq. Bu aqta “Krımenergo” müessisesiniñ matbuat hızmeti haber ete.
Energetiklerniñ bildirgenine köre, yarıqnıñ söndürülmesi planlaştırılmağan tamir işlerinen bağlı.
“Bulvarnaya soq., 1, 2, 2a, 6,11/14; Popovkina soq., 1/11-7, 2-14, 11, 23, 27-45а, 45/8; Sevastopolskaya soq., 17, 21, 70v, 70g; Trubaçenko soq., 1, 2-6, 5-9 adresleri boyunca saat 8:00-17:00 yarıq olmaycaq”, - dep bildirile beyanatta.
İyülniñ başında “Krımenergo” Qırım sakinlerine planlaştırlılğan yarıq söndürmeleri aqqında haber etti, cedvelni “Krımenergo” saytında körmek mümkün.
İyünniñ 13-üne Qırımda Aqmescit, Aqyar, Bağçasaray ve başqa şeerlerde haber etilmeden yarıq söndürüldi.
2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap, Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik, Qırım öz generatorları, Rusiye generatorları ve Kuban energoköprüniñ elektrik ağını qullana.
