Bugün bütünukraina motoyürüşi keçirilecek. O Ujgorodda başlanıp, Zaporojyedeki Hortitsa adasında bitecek.
Baykerler bütün Ukrainanı keçmek, Mariupoldeki ukrain askerlerni ziyaret etmek, Çonğardaki Qırım memuriy sıñırına barıp yetmek niyetindeler.
Motoyürüşniñ teşebbüsçi Nikolay Spiridonov Radio Svododağa aytqanına köre, mototsiklcılar ukrain ve qırımtatar bayraqlarınen ketecek. Yürüşniñ soñunda bu bayraqlar Hortitsa adasında yükseltirilecek..
“Öz misalimiznen biz tasdıqlayıq ki, qaysı bir milletke ait olsaq da, qaysı bir tilde laf etsek de, ep bir birleşememiz mümkün. Eñ esası – biz ukrainalılar, Ukraina vatanperverleri. Ve bütün memleketi ötüp keçecek motoyürüş bunı köstere. Aynı zamanda ukrain qoruyucılarına ürmetimizni ifadelemege isteymiz. Planlarımızda - mudafaanıñ üçünci sırasına barıp, andaki askerlerimizni ziyaret etmek, qonuşmaq ve unutulmağanlarnı köstermek”, - dedi Nikolay Spiridonov.
Motoyürüşniñ teşkilâtçıları iç bir siyasiy küçke bağlı olmağanlarını belgileyler. Baykerler ukrain şeerlerinde yürüş destek körecegine ve başqa ukrain mototsiklcilar qoşulacağına ümüt eteler.
