Ukraina prezidenti Petro Poroşenko,ABD prerzdenti Donald Trump Rusiye prerzidenti Vladimir Putinnen Helsinkide körüşkeninde, Qırım meselesinde NATOnıñ ukrain yarımadasınıñ qanunsız ilhaqını tanımama umumiy noqtasında turacaq dep ayttı.
«bütün azalarnıñ (Qırım statusınen bağlı – muarririyet) pozitsiyası, şu cumleden prezident Trumpnıñ pozitsiyası, NATO sammitiniñ yekünlev beyanatında bildirile. Anda açı-aydın şekilde: Qırımnıñ qanunsız ilhaqı tanılmay, denilmekte. Bu sebepy-ten qaranlıq odada qara mısıq aramaq faydasız, çünki o anda yoq», – dep ayttı Ukraina prezidenti Petro Poroşenko, Brüsselde keçken körüşüvni izaatlap.
İyülniñ 12-nde Brüsselde NATOnıñ sammiti keçti. Sammitten soñ ABD prezidenti Rusiye prezidenti Vladimir Putinnen körüşmek içün Helsinkige ketecek. Rusiyenen ile munasebetlerniñ eyilşemesi aqqında defalarca aytqanDonald Trump, Finlândiya paytahtına iyülniñ 15-nde kelmek kerek, Putin ise, 16-nda.
ABD prezidenti daa evel «Putinnen körüşmege butün ömür azırlanğanı ve Rusiye lideri onı «aldatıp» olamaycağından emin olğanını aytqan edi.
