Qırımnıñ rusiyeli ükümetiniñ başı Sergey Aksönov, Rusiye yarımadada arbiy küçüni arttırmaq kerek dep saya. Böyleliknen o Qırım memuriy sıñırında ötkerilgen Ukraina arbiy talimlerine nisbeten öz fikrini bildirdi.
İyünniñ 27-nde Aksönov özüniñ Facebook «yarımadada arbiy küçlerniñ arttırılması tamamile esaslı ve şart» ve «ukrain ordusınıñ real imkânları Rusiye Silâlı quvetlerinen degil de, atta Rusiye ordusınıñ Qırımdaki qısmınen muqayese etilecek seviyede olmağanını» qayd ete.
Ukraina Arbiy-Deñiz quvetleri topçıları Rusiye ilhaq etken Qırım memuriy sıñırında talimler ötkerdi.
Arbiy-Deñiz quvetleriniñ deñiz piyadesi komandanlığı topçılar bölüklerinen beraber Herson vilâyetinde deñiz sailiniñ mudafaası ve ilhaq etilgen Qırımdan ücüm etilgeni farz etilgen duşmandan imaye etüv talimleri ötkerdi.
Ukraina Arbiy-Deñiz quvetleri deñiz aviatsiyası yanvar ayında Qara deñizde Amerika Birleşken Devletleriniñ Arbiy-Deñiz quevetleri ihtiyarındaki USS Carney (DDG64) gemisinen beraber ortaq talimler keçirgen edi.
Ukraina Arbiy-Deñiz quvetleri aprel ayınıñ soñunda da ayrıca ve Qırım memuriy sıñırına yaqın yerde deñiz sailiniñ mudafaasınen bağlı talimler ötkergen edi.
