Qırımtatar Milliy Meclisi reisiniñ muavini Ahtem Çiygoz Berlinde Almaniya kanntsleri Angela Merkel idaresiniñ reberlerinen Kremlniñ qırımtatar siyasiy mabüsleri ve Qırımnıñ azat etilüvini muzakere etti. Bu aqta Twitterde Ukrainanıñ Almaniyadaki elçisi Andrey Melnik yazmaqta.
«Ahtem Çiygoz Berlinge kelip çıqtı! Almaniya Federal kantsleri idaresiniñ reberlerinen şahsen Angela Merkelni qırımtatar siyasiy mabüsleri ve Qırımnıñ azat etilüvine celp etmeknen alâqalı qarardan ziyade muim körüşüv», – denilmekte haberde.
Mayısnıñ 25-nde Avropa Birligi Rusiye ve ilhaq etilgen Qırımdan qanunsız mahküm etilgen Ukraina vatandaşlarınıñ epsi tez vaqıtta azat etilmek kerek dep aytıldı.
Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey. Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü dep qabul etti.
