Kremlniñ kontroli altında olğan Keriç şeer şurası mart 14-te Rusiye FSBsiniñ istifada polkovnigi Sergey Şimkonıñ şeer memuriyeti başlığınıñ muavini vazifesine tayin etilmesini baqmaq niyetinde.
Bu hususta şeer şurasınıñ saytında derc etilgen kün tertibinde aytıla.
«Kerç.FM» neşiriniñ malümatına köre, 2017 senesi iyün 9-dan başlap, Şimko Keriçte «İstimalcı hizmetleri saasını regulirleme boyunca mudiriyet» işhanesiniñ rehberi edi.
2017 senesi aprel 5-te Keriç deputatları, şeer memuriyeti başlığı Vladimir Podlipentsevniñ vekâletlerini muddetten evel toqtatuv aqqında qarar aldılar. Daa soñra Keriç başlığı vazifesine Podlipentsevniñ muavini – Sergey Borozdin tayin etildi.
