Yanvarniñ 27, cumaertesi künü gece, ağır çekideki WBO versiyası boyunca dünya çempionı, qırımlı boksör Oleksandr Usik, WBS quşağınıñ saibi Latviya vatandaşı olğan Mayris Briedisnen Dünya boksörlıq superseriasınıñ (WBSS) yarımfinalda dögüşecek.
Dögüş Kyiv saatınen 23:00de Rigada ötkerilecek.
Rigada boksörğa onıñ muhlisleri ve taqımı, ayrıca dögüsten evel o, Facebooktaki öz saifesinde beraber çektirilgen fotosuretini derc etken anası qol tutacaq. «Anamnıñ destegi – eñ muim destektir», – dep yazğan o fotosuret tübünde.
Usik Bütündünya boksör teşkilâtınıñ (WBO) versiyası boyunca ağır çeki (90,7 kg qadar) olğan ağrlıqta dünya çempionı sayıla. O, professional ringte keçirgen 13 dane dögüşiniñ er birinde ğalebe qazanğandır.
Eñ sonki dögüşini o 2017 senesi sentâbr ayında Berlinde keçirgen edi. O zaman çeyrek finalda boksnıñ Bütündünya superseriyasında o tehnik nakautnen almaniyalı Marco Huchni eñgen edi.
Briedis –Bütündünya boksörlıq şurası versiyası boyunca (WBC) dünya çempionıdır. O, keçirgen 23 dögişte 23 kere ğalebe qazanğandır.
