Yevlax şəhərində avtonəqliyyat vasitələrinin istismarı və yol hərəkəti qaydalarını, eləcə də qanundan irəli gələn digər tələbləri pozan sürücülərə qarşı reyd keçirilib. Reyd Baş Dövlət Yol Polisi Xidməti Alayı və Yevlax Rayon Polis Şöbəsinin Yol Patrul Xidməti tərəfindən təşkil olunub. Nəqliyyat vasitələrini sərxoş halda idarə edən, sürücülük hüququ olmayan, şüşələrdə görməni məhdudlaşdıran plyonkalardan istifadə edən və digər xətalar törədən sürücülərə qarşı müvafiq inzibati tədbirlər görülüb.