Аватненень пенсияв шкадо икеле туемадо (эрзя)
Ламо эйкакшонь триця аватненень мереви лисемс пенсияв сыречинть кувалт весенень кемекстазь шкадо икеле. Теде ледстизь Мордовия Республикава Россиянь социальной фондонь отделениясо. Вете ды седе ламо эйкакшонь чачтыця аватненень сыречинть коряс страховой пенсиясь максови 50 иесэ, нилетнень кис – 56, колмотнень – 57.
Иень ушодовомсто саезь Мордовиясо пенсияв шкадо икеле туемадо меленть яволявтызе 131 ава. МР-ва РФ-нь социальной фондонь отделениясь иень коряс шкадо икеле страховой пенсиянть кемекстызе 108 аватненень, конат тризь колмо эйкакштнень, 15 – нилетнень ды 8 – вететнень ды седе ламо. Тень пингстэ МР-ва социальной фондонь отделениясо ледстизь, прявт таркасо шкадо икеле пенсияс туемадо улевельть аванть 15 иеть страховой стажозо ды пенсиянь коэффициентэнь эрявикс покшолма (2024-це иестэ — 28,2), истяжо эйкакштнень 8 иес трямось, ютксост эйдекс саезетненьгак. Бути тетятнень-аватнень зярыя эйкакшт эрьва кодамо полакстомасто, сестэ шкадо икеле авантень пенсиянь путомась мереви ансяк сынст эйдекс официальной саемадо мейле.