Рузаевка ошень 10-це школань 4-це”Б” классонь тонафнись Мария Лёскинась и тядяц Наталья сяськсть “Оцю перемена” сембе Россиянь пялькстомаса (мокша)
Синь пяк лац ётазь сембе этапнень и сувасть инь виихнень ёткс, ётамок марнек странань сядот участникнень. Финалса Мордовия Республикать инкса няфтезь маштомашиснон 4 командат, и синь ётксост Рузаевкаста стирнясь эсь тядянц мархта. Тяфтама оцю пялькстомаса участиясь – оцю ответственностсь. Сисем кофт этапста этапс пяшкотькшнезь заданиятнень. Ульсь стака, но мяльсь сяськомс и пачкодемс пети – синь ашезь кадонда. Пяк тусь мялезост и лядсь мялямти Великай Устюг ошу якамасна, коса синь васетькшнесть пара ялга мархта. Седиста моли валхт азондыхть классонь вятити Галина Вениаминовна Киреевати, марнек школати и сембонди, кие кирдезь ширеснон. Наталья Сергеевна Лёскинась мярьгонди няфнемс маштомашить тядятненди-алятненди тяфтама проекттнень эса эсь шабаснон мархта – тя питнефтома оцю опытсь и пингсь, кона ётни марса командатнень мархта.