Ոստիկանությունը վերադարձրեց «Հիմնադիր խորհրդարանի» ձայնային տեխնիկան
Հիշեցնենք, ավելի վաղ «Հիմնադիր խորհրդարանի» անդամ Վահրամ Պետրոսյանը «Ազատությանը» հայտնել էր, որ երեկոյան ժամը 9։30-ի սահմաններում, երբ Ազատության հրապարակում ավարտվել էր «Սասնա ծռեր» զինված խմբավորման աջակիցների հանրահավաքը, ոստիկանությունը հավաքի ժամանակ օգտագործվող ձայնային տեխնիկան տեղափոխող պատահական տաքսին տեղափոխել է Երևանի Ճանապարհային ոստիկանության տուգանային հրապարակ։
Ոստիկանության լրատվության վարչության պետ Աշոտ Ահարոնյանը «Ազատության» հետ հեռախոսազրույցում հայտնել էր, որ Մալաթիայի բաժանմունում գտնվող մեքենան որոնման մեջ է, այն կկնքվի, և եթե պարզվի, որ ձայնային տեխնիկան որևէ կապ չունի մեքենայի հետ, այն շուտով կվերադարձվի «Հիմնադիր խորհրդարանի» անդամներին։