Գալա ընթրիքի ընթացքում միջոցներ են նվիրաբերվել «Այբ» ավանի զարգացման համար
Կրթական ավանում կկառուցվի ավագ դպրոցի նոր մասնաշենք՝ BIG (Bjarke Ingels Group) ճարտարապետական ընկերության հետ:
Հիմնադրամից հայտնել են, որ նոր մասնաշենքի կառուցումը կկրկնապատկի ավագ դպրոցի աշակերտների թիվը, որոնց միջինում 70%–ը սովորում է բարերարների աջակցությամբ: Սա նշանակում է, որ, ընտանիքի ֆինանսական կարողություններից անկախ, ավելի շատ երեխա հնարավորություն կունենա ստանալու լավագույն կրթություն: Այս նախագծի նպատակով գալա ընթրիքին նվիրաբերվեց
$ 5 մլն:
Ավանի մյուս կարեւոր բաղադրիչը Սբ Թարգմանչաց եկեղեցու կառուցումն է, որը խորհրդանշում է ճանաչողության եւ հոգեւոր արժեքների կապն ու սրբոց Թարգմանչաց շարժման խորհուրդը, որն «Այբ»-ի ձեւավորման հիմքերում է: Այս նպատակով գալա ընթրիքի ընթացքում նվիրաբերվեց $ 1 մլն դոլարը:
Գալա ընթրիքի ժամանակ հայտարարվեց նաեւ մարզերում նոր դպրոցներ ստեղծելու ծրագրի համար առաջին $ 1 մլն նվիրատվության մասին:
Դրամահավաքի նպատակներից է ապահովել սոցիալական աջակցության ծրագրի շարունակականությունն «Այբ» ավագ դպրոցի աշակերտների համար, որոնց կրթությունը կազմակերպվում է «Արարատյան բակալավրիատ» ծրագրով՝ ապահովելով համապարփակ եւ արժեքահեն կրթություն:
Բացի վերոնշյալ ծրագրային $ 7 մլն-ից՝ երեկոյի ընթացքում կատարված նվիրատվություններն ու խոստումները կազմում են 167 մլն դրամ, որոնք կուղղվեն կրթավճարային ֆոնդի համալրմանն ու զարգացման այլ ծրագրերին: