Буряад Уласай Арадай Хуралай Түрүүлэгшэ Владимир Павлов ойн ажахын һалбарида хүдэлдэг мэргэжэлтэдые амаршалба.
«Ой тайга хадаа-манай арадай ехэ баялиг мүн, булта нангинаар хандаха ёһотойбди. Буряад Уласай газар талмайн 80 процент ой модон болоно. Хүбшэ тайгаяа сахиха, хадагалха гээшэ бултанай зорилго. Буряад Уласай ой модоной ажахын һалбарида дүй дүршэл ехэтэй, бэрхэ мэргэжэлтэд хүдэлдэг гэжэ мэдээжэ. Бултыетнай мэргэжэлтэ һайндэрөөртнай амаршалнаб», -гээд Владимир Павлов хэлээ.
Россин ой модоной кодексдо олон хэрэгтэй хубилалтанууд оруулагдана. Мүн федеральна хуулинууд нарижуулагдана. Буряад Уласай Арадай Хуралай һунгамалнууд ажаһуугшадта хэрэгтэй олон хуулинуудые баталһан байна.
Энэ хэмжээ ябуулгада Арадай Хуралай Гүрэнэй байгуулалтын, нютагай өөһэдын хүтэлбэриин, хуули бэхижүүлгын ба гүрэнэй албанай асуудалнуудай талаар хорооной түрүүлэгшэ Пётр Мордовской мүн лэ хабаадаа. Буряадай ойн ажахын һалбари һүүлэй үедэ шэнэ технологи хэрэглэжэ хүдэлнэ, инвестиции оруулагдана, шэнэ оньһон түхеэрэлгэнүүд абтана гээд һунгамал тэмдэглэбэ.
Энэ һалбарида хүдэлдэг эгээл эрхим мэргэжэлтэдтэ Буряад Уласай Арадай Хуралай Хүндэлэлэй Грамотанууд, баярай бэшэгүүд мүнөөдэр барюулагдаһан байна.
Фото: Хурал Бурятии
