Федерацин хăрушсăрлăх служби пĕлтернĕ тăрăх, Чӑваш Енре экстремистла "АУЕ" ушкӑна тĕп тунӑ. Тĕрмере ларакан 38 ҫулти арҫын пĕрле кирпĕч шутласа ларакансемпе "Арестантсен уголовлӑ пĕрлĕхĕ" общество юхӑмĕн уйрӑмне йĕркелесе янӑ.
Раҫҫейре ку пĕрлĕх экстремистла шутланать, ҫавӑнпа унпа ҫыхланма юрамасть. Усал шухӑшлӑ арҫын хăрушă ĕҫе ытти ҫынсене те явӑҫтарнӑ: криминал йӑли-йĕркисене тытса пыма хистенĕ тата "вӑрӑсен саккунне" вĕрентнĕ. Ку хастар арҫын тĕлĕшĕпе уголовлӑ ĕҫ пуҫарнӑ, тĕрĕслев халĕ те пырать. «Экстремистла ĕҫе пурнӑҫлакансене 10 ҫул таран тĕрмене хупаҫҫĕ пулсан, ĕҫ вырӑнĕпе усӑ курса ҫак киревсĕр пулӑма аталантаракансене 12 ҫул таранччен «йĕплĕ пралук» леш енне яма пулать», – терĕ Сергей Тасаков юриспруденци ăслăлăхĕсен тухтăрӗ.
