.jpg)
«5 минутлăх» текен ăнлав малашне тĕрлĕ ĕçре ирхи канашлăва пуçтарăнакансемшĕн çеç мар, шкул ачисемпе вăтам профессиллĕ вĕренÿ заведенийĕсенче пĕлÿ илекенсемшĕн те пĕлтерĕшлĕ сăмах пулĕ. Кашни тунтикунсерен вĕсем валли информаципе паллаштаракан кĕске лекци иртĕ. Шупашкарти 44-мĕш лицейра вĕренекенсемпе пĕрле пирĕн пултарулăх ушкăнĕ те парта хушшине ларса кăсăклă информацие итлерĕ. 11-мĕш «А» класс яланхи пекех урока хатĕрленет. Анчах паян хăйне евĕрлĕ кун. Тунтикун. Вĕренекенсем умĕнче те вĕрентекенсем мар,
<p>«5 минутлăх» текен ăнлав малашне тĕрлĕ ĕçре ирхи канашлăва пуçтарăнакансемшĕн çеç мар, шкул ачисемпе вăтам профессиллĕ вĕренÿ заведенийĕсенче пĕлÿ илекенсемшĕн те пĕлтерĕшлĕ сăмах пулĕ. Кашни тунтикунсерен вĕсем валли информаципе паллаштаракан кĕске лекци иртĕ. Шупашкарти 44-мĕш лицейра вĕренекенсемпе пĕрле пирĕн пултарулăх ушкăнĕ те парта хушшине ларса кăсăклă информацие итлерĕ. 11-мĕш «А» класс яланхи пекех урока хатĕрленет. Анчах паян хăйне евĕрлĕ кун. Тунтикун. Вĕренекенсем умĕнче те вĕрентекенсем мар, ачасем. Вĕсем информаципе паллаштараççĕ. Урăхла каласан, çĕршывра пулса иртекен пулăмсем, уявсем çинчен каласа параççĕ, кăсăклă хыпарсене тишкереççĕ. ЕЛЕНА ЛЕОНТЬЕВА: «Эпир шкулта вĕреннĕ чухне те, класс ертÿçи чи малтан пире çĕршывра, районта республикăра мĕн пулса иртнине яланах каласа панă, хăш-чухне информацие пире тупма хушатчĕ. Паянхи вĕренекенсем те информацие çакăн пек урок пуçланиччен илни питĕ лайăх тесе шутлатăп». Вăтам классенче вĕренекенсен те урок умĕн ятарлă тĕл пулусем иртеççĕ. Унти занятисене лицей ĕçченесем йĕркелеççĕ. Хальхинче ачасем Раççейре пурăнакан халăхсем çинчен, вĕсен хăйнеевĕрлĕ культури çинчен пĕлчĕç. ВАРВАРА АЛЕКСАНДРОВА: «Ку 5-минутлăх урокĕ Тăван çĕршыва юратма, хисеплеме вĕрентет. Эпир пурте пĕр çĕршывра çуралнă, кунтах пурăнатпăр». Пĕлÿ çурчĕсенче информаци минучĕсене ирттериччен вĕренекенсен ашшĕ-амăшĕпе ыйтăм та ирттернĕ. Вĕсенчен 73 проценчĕ çĕнĕлĕхе ырласа йышăннă. Палăртмалла, «5 минутлăх» тени 5 минута пĕлтермест. Ирхи калаçу 10 минутран ытларах та пулма пултарать. Чи кирли – ачасем информацие тĕрĕс ăнланни. Малашне çакнашкал тĕлпулусене общество тата политика хастарĕсем те, çар ветеранĕсем те хутшăнĕç. Юлия Адюкова. Милена Алексеева, Николай Скворцов</p>
