«Ырă усала çĕнтерет, пиçĕлĕх тӳрккес вăя парăнтарать». Ку спорт тĕсĕн çак тĕп шухăш. Шупашкарта республика шайĕнчи дзюдо турнирĕ иртрĕ. Ăна Чăваш Республикин Патшалăх Канашĕн депутачĕ пулнă Александр Трофимова асăнса йĕркеленĕ. Тупăшу 12 регионти 300 ытла спортсмена пĕрлештерчĕ. Унта 12-13 çулхи дзюдоистсем хутшăнчĕç. Тутар, Мари, Пушкăрт, Мордва Республикисем, Чулхула, Чĕмпĕр облаçĕсем, Мускав, Питĕр хулисем тата ытти те. Нева юханшыв çинчи хуларан турнира, сăмахран, 10 спортсмен килнĕ. Вĕсем пурте призерсемпе çĕнтерӳçĕсем. Максим Ямаков та вĕсен шутне кĕрет. Чăваш çĕрĕ çамрăкшăн ăнăçлă пулчĕ. МАКСИМ ЯМАКОВ: «Виççĕмĕш вырăн йышăнсан эпĕ питĕ савăнтăм. Ăмăрту тивĕçлĕ шайра иртет. Питĕр хулинчи тупăшусенчен пĕртте кая мар». «Çĕнтерессе шухăшлама та пултарайман. Евгений Павлов тренер тĕплĕ хатĕрлерĕ пире», – тет пăхăр медале тивĕçнĕскер. ЕВГЕНИЙ ПАВЛОВ: «93 çулччен Çĕнĕ Шупашкарта пурăннă, Николай Алексеев тренер патне самбо секцине çӳренĕ. Ку манăн тăван ен. Эпĕ Чăваш Республикине тренер шайĕнче пĕрремĕш хут килтĕм. Чунра савăнăç кăмăл-туйăмĕ хуçалать». Татами çинче хĕрӳ тупăшу пырать. Шăпăрлансемшĕн кашни тренер пăшăрханать. Хăшĕ-пĕри хăйсем тухса кĕрешме те хатĕр. Александр Трофимов дзюдо аталанăвне пысăк тӳпе хывнă. Ку енпе вăл ятарлă клуб та йĕркеленĕ. Çитĕнекен ăрăва тивĕçлĕ воспитани парасси Александр Трофимовшăн яланах тĕп вырăнта пулнă. – Александр Иванович вăл паллă çын пулнă спорт енĕпе ĕçлекен çынсем хушшинче. Вăл хăйĕн пурнăç çулне питĕ яваплă, питĕ тăрăшса пурăнса ирттерни питĕ лайăх тĕслĕх. Паллах, эпир енчен те асра тытса тăрсассăн çакăн пек лайăх çынсене çакăн пек паллă самантсене çав çынсем пирĕн хушăра пурăнĕç, вĕсем чĕрĕ пулĕç