Куыд зонут, афтӕмӕй, ацы аз 15 ОКТЯБРЫ НОМДЗЫД КЪОСТАЙЫ РАЙГУЫРДЫЛ ӔХХӔСТ КӔНЫ 160 АЗЫ!!! Уый тыххӕй, куыд уынут, афтӕмӕй, йӕ номыл рауагътон Ирон Бӕрӕгбӕтты къӕлиндар! Къӕлиндар мыхуыр ӕрцыдис Ростовы ӕмӕ фӕлыст у рӕсугъд хуызджын къамтӕ ӕмӕ нывтӕй. Къостайӕ дарддӕр ма къӕлиндары ис йӕ фыд Леуан ӕмӕ йӕ мад Марияйы нывтӕ, гъе стӕй Къостайӕн йӕхи конд цыппар нывы. Къӕлиндары ма бакӕсӕн ис зынгӕ фысджыты: Н.Тихонов, А. Фадеев ӕмӕ Р.Гамзатовы ныхӕстӕ Къостайы тыххӕй. Ис ма дзы Къостайӕн йӕхи фыст цалдӕр чысыл ӕмдзӕвгӕйы дӕр, йӕ базырджын хъуыдытӕ кӕм ис, ахӕмтӕ. Табуафси, мӕ хӕлӕрттӕ ӕмӕ мӕ зонгӕтӕн сӕ бон у ӕрбацӕуой Цхинвалы сахары мӕ къабинетмӕ ӕмӕ къӕлиндар ахӕссой сӕ фӕрныг хӕдзӕрттӕм! Уый сын уыдзӕнис мӕ Ногазон лӕвар! Ӕрмӕст сӕм мӕнӕй ис иу ахӕм домӕн: Къостайы ӕмдзӕвгӕтӕй мын иу хъуамӕ радзура мӕ къабинеты! ТАБУАФСИ! ХАЙАД РАЙСУТ КОНКУРСЫ ӔМӔ УӔ ФӔРНЫГ ХӔДЗӔРТТӔМ АХӔССУТ УӔ ФЫДӔЛТЫ БӔРӔГБӔТТЫ КЪӔЛИНДАР! НОМДЗЫД КЪОСТА РУХСАГ УӔД ӔМӔ ХӔРЗМӔ АУДӔТ НӔ ИРОН АДӔМЫЛ! СЫМАХӔН ТА УӔ ФЫДӔЛТЫ ДЗУӔРТТӔ ӔХХУЫСГӔНӔГ УӔД!
