Изнямо марто! (эрзя)
«Шумбрат» пильгеоскань курось полады анокстамо Россиянь омбоце лигасо налксематненень.
Ялгаксчинь од вастовомасо Саранскоень цёратне изнизь «ЗаКиДок» Пенза ёнксонь Сердобск ошсто команданть – 2:0. Ледстясынек, омбоце лигасо «Шумбратось» сех васенце налксеманть ютавтсы эйзюрковонь 28-це чистэ Мордовиянь прявтошсо Курскоень «Авангардонть» каршо. Шкась ды ютавтома таркась кармить содавомо седе тов.