Россиялик миллиардер Олег Дерипаска: «Россия уч йилда чуқур инқирозда бўлади» — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Time Россия уч йиллик чуқур инқирозда бўлиши кутилмоқда. Бу ҳақда россиялик миллиардер Олег Дерипаска айтиб ўтди. - Биз илгари ҳеч қачон бундай қийинчиликка дуч келмаганмиз. Мен буни бошқаларга қараганда яхшироқ тушуняпман. Темир парда аллақачон туширилган. Инқироз камида уч йил бўлади — у жуда оғир ва чуқур бўлади, — деди у. Миллиардернинг сўзларига кўра, вазиятни баҳолаш учун 1998 йилдаги инқирозни олиб, уни учга кўпайтириш керак. Ўша йили Россияда дефолт бўлган эди. - Биз қанча ҳамкорларимиз қолганини кўришимиз керак, менимча, уларни бир қўл бармоқлари билан ҳисоблаймиз, — деди Дерипаска. Дерипасканинг фикрича, инқироздан чиқишнинг асосий ва биринчи қадами — «муросага келиб тинчликка эришиш». Бу қанчалик тезроқ бўлса, Россия учун шунча яхши бўлади.