Мәскеуде Юлия Навальнаяға айыппұл салынды
Тұтқындалған ресейлік оппозиционер Алексей Навальныйдың жары Юлияға 20 мың рубль көлемінде айыппұл салынды, - деп хабарлайды РИА Новости.
Басылым мәліметінше, Юлия Навальнаяға митингіге қатысқаны үшін айыппұл салынған.
"Сот оны "Жаяу жүргіншілер мен көлік құралдарына кедергі келтіретін акцияға қатысу" бабы бойынша әкімшілік құқық бұзушылық жасағаны үшін кінәлі деп танып, оған 20 мың рубль айыппұл салды", - деді РИА Новостиге Мәскеудегі Щербинский сотының баспасөз қызметі.
Еске салайық, Юлия Навальная 31 қаңтарда Мәскеуде ұсталған. БАҚ мәліметінше, ол Алексей Навальныйды қорғауға арналған наразылық акциясы кезінде ұсталған.
Юлия Навальная задержана полицией при мирной прогулке по Москве. Защитника к ней не пустили, не представились, не предъявили удостоверений, не назвали причину задержания. pic.twitter.com/GO6bE3KXo6
— Vyacheslav Gimadi (@vigimadi) January 31, 2021
31 қаңтарда Ресейдің бірқатар қаласында 18 қаңтарда "Ив Роше" ісі бойынша сынақ мерзімінің шарттарын бірнеше рет бұзды деген айыппен қамауға алынған Алексей Навальныйды қолдауға арналған акциялар өткен еді.
БАҚ 31 қаңтарда бүкіл Ресейде акцияға қатысқандарды жаппай қамауға алу әрекеті туралы хабарлаған. Наразылық білдірушілерге қарсы таяқтар мен электршок қолданылған.
"ОВД-инфо" мәліметтеріне сәйкес, митингіге шыққандарды ұстау бойынша рекорд тіркелген: 89 қалада 5 441 адам ұсталған.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!