НАТО Россияни “Новичок” ишлаб чиқариш дастурини ошкор қилишга чақирди
Жума куни НАТОга аъзо мамлакатлар Навальнийнинг заҳарланиши атрофидаги вазиятни муҳокама қилдилар. Бундесвер лабораторияси экспертизаси натижаларига кўра, мухолифатчи “Новичок”ка ўхшаш модда воситасида заҳарланган, бу каби заҳарли моддалар кимёвий қуролга киради.
Россия Кимёвий қурол тақиқланишига оид конвенция иштирокчиси бўлиб ҳисобланади, мазкур шартномага мувофиқ жанговар заҳарли моддаларнинг барча захиралари йўқ қилиниши лозим эди. 2017 йили Москва заҳарли моддага эга ўқ-дориларнинг сўнггилари ҳам йўқ қилингани ҳақида ҳисобот топширган.
“Ҳар қанақа кимёвий қуролдан фойдаланиш инсон ҳаётига бутунлай ҳурматсизликни кўрсатади ва халқаро қонун-қоидаларнинг бузилиши бўлиб ҳисобланади”, деди Столтенберг. У Навальнийнинг заҳарланишини “асосий демократик ҳақ-ҳуқуқларга ҳужум” ўлароқ баҳолади.
“Новичок” оиласига кирувчи заҳарли моддалар СССРда ўтган асрнинг 70-йиллари охирлари ва 80-йиллари бошларида “Фолиант” махфий дастури доирасида ишлаб чиқарилган, деб ёзган “Проект” нашри. Нашр иддаосига кўра, Совет Иттифоқида химикатлар асосан ғарб намуналаридан кўчирилган, бироқ “Фолиант” дастури бўйича яратилган моддаларнинг дунёда мисли бўлмаган.
2019 йили Кимёвий қуролни тақиқлаш ташкилоти “Новичок”ка ўхшаш моддаларни тақиқланган моддалар рўйхатига киритган.