Әлмәт Кыш бабае йөзләгән балага үзләре сораган бүләкне өләште [+ХАТЛАР]
Әлмәттә быел беренче тапкыр “Кыө бабайга ярдәм ит” акциясе оештырылды.
Шәһәребезнең төрле урыннарына куелган Кыш бабайның почта тартмачыкларына балалардан Яңа ел бүләкләре сорап, йөзләгән хат җыелды. Аларның барысы да шушы көннәрдә бу бүләкләргә ия булды. Акция район башлыгы Айрат Хәйруллин һәм “Татнефть” компаниясе генераль директоры Наил Магановның ярдәмнәре белән уздырылды. Шулай ук шәһәребезнең күпчелек службалары, учреждениеләре дә аңа теләп кушылды. Әлмәт акциясендә хәтта Татарстан Президенты Рөстәм Миңнеханов һәм аның ярдәмчеләре дә катнашырга теләк белдерде. Президент ике балага тимераяк бүләк итсә, бүген аның ярдәмчесе Наталья Фишман Әлмәт балалар йортында тәрбияләнүче өч баланың теләкләрен тормышка ашырды, алар Кыш бабайдан телефоннар сораган.