ბიძინა ივანიშვილმა სატელევიზიო ინტერვიუს დროს განაცხადა, რომ კვირიკაშვილი საკადრო ცვლილებებს ვერ აცდება. ივანიშვილმა ირაკლი ღარიბაშვილის შესახებაც ისაუბრა და მის გადაწყვეტილებას ნაჩქარევი უწოდა.
საუბარი შეეხო ლევან მურუსიძეს და გირგვლიანის თემას. ყოფილი პრემიერის თქმით, გირგვლიანი იყო სისტემის მსხვერპლი და არა კონკრეტული მოსამართლის და სასამართლოსი.
ივანიშვილი გიორგი მარგველაშვილს რეზიდენციასთან დაკავშირებით საკუთარ უფლებებს კიდევ ერთხელ ახსენებს და იმასაც ამბობს, რომ საარჩევნო კამპანიაში ჩართვას აქტიურად გეგმავს. ბიძინა ივანიშვილი ამბობს, რომ წინასაარჩევნოდ სიების შედგენაში მონაწილეობას მიიღებს.
„მთელი ჩემი რესურსით დავეხმარები საკუთარ გუნდს, რომ მან საზოგადოება დაარწმუნოს, რომ ისევ შეუცვლელია და ლიდერი იყო, რადგან ის გზები, რაც გამოიკვეთა ჩვენი მოსვლის შემდგომ, მას გაღრმავება და გამაგრება სჭირდება. ინტერესი მაქვს, რომ ჩვენმა საზოგადოებამ ჩვენთან ერთად მაქსიმალური მობილიზება მოახდინოს და შესატყვისი გადაწყვეტილება მიიღოს. რამდენიმე შეხვედრაც მქონდა, ვაგრძელებ ამ პროცესს, გუნდის ახალი კადრებით გადახალისების. არავითარ კანონს არ ვარღვევ, ამის უფლებები მაქვს ჩემი გემოვნებისა და შესაძლებლობების ხარჯზე საკუთარ გუნდს რეკომენდაციები მივცე და არა თავს მოვახვიო,“- განაცხადა ბიძინა ივანიშვილმა.
