СҚО әкімі Ғауез Нұрмұхамбетов Есіл ауданындағы «Азия Тарангул» серіктестігінң бірнеше нысанын аралады. Петр Гольцер басқарған шаруашылық ауыл тұрғындарының өмір сүру сапасын жақсартып, жұмысшыларына қолайлы еңбек жағдайын жасауда, деп хабарлайды Петропавловск.news.
Тарангул ауылында өңір басшысы қызметкерлеріне арнайы салынған 16 пәтерлі жаңа отбасылық жатақханаға барып, Михаил Волошко мен Лилия Епифанованың отбасын жаңа жылмен құттықтадым. Отағасы шаруашылықта бас зоотехник болса, ал жұбайы асханада меңгеруші. Ауылда қызметкерлер үшін екі пәтерлі үйдің құрылысы да жалғасуда, бұл диқанның әлеуметтік жауапкершілігін тағы да дәлелдейді.
Сонымен қатар, СҚО әкімі 10 мың тонна қуаттылығы бар миниэлеваторда болып, 800 басқа арналған жаңа сүт фермасының жұмысымен танысты. Бұл заманауи кешен өңірді сапалы сүт өнімімен қамтамасыз етуде. Облыста жалпы 19 жаңа сүт фермасы іске қосылды. Жаңа фермалар толық қуатқа шыққан кезде қосымша 70 мың тонна сүт өндіру және 500 жаңа жұмыс орнын ашу жоспарлануда.
