Буряад Уласай Арадай Хуралай Түрүүлэгшэ Владимир Павлов Эсэгэ ороной баатарнуудай үдэртэ зорюулагдаһан баяр ёһололой суглаанда хабаадаһан байна. Митинг Улаан-Үдэ хотын Илалтын Дурасхаалай хүшөөгэй дэргэдэ үнгэрөө.
«Эрэлхэг зориг, эхэ орондоо дурлал, бата бэхи байдал, үнэн сэхэ ябадал хадаа хэр угһаа хойшо Ородой сэрэгэй һүлдэ тэмдэг байгаа бшуу, харин сэрэгэй шэн зориг хэзээдэшье хүн түрэлтэнэй гол шанарнуудай нэгэн гэжэ анхан сагһаа мүнөөшье болотороо тоологдодог юм», - Владимир Павлов тэмдэглээ.
Буряад Уласай Арадай Хуралай Түрүүлэгшын хэлэһээр, сэрэгэй тусгаар үйлэнүүдтэ хабаадагшад удаадахи үетэндэ омогорхол ба жэшээ боложо үгэнэ.
«Манай гүрэнэй эрхэтэдэй солото болон баатарлиг туйлалтанууд хэзээдээшье эб нэгэдэлэй, бэе бэеэ дэмжэлгын болон патриотизмын жэшээ хододоо болохо бшуу. Хүндэтэ манай ветеранууд болон геройнууд! Эхэ орондоо үнэн сэхэ, эрэлхэг, баатаршалга болон зоригойтнай түлөө баярые хүргэнэбди. Өөһэдынгөө хэрэгүүдээр, ажаһуудалай жэшээгээр түрэл газартаа дурлан,ямаршье бэрхэшээлнүүдые дабажа, зорилгодоо дабшажа, Илалтые туйлалта бидэндэ дамжуулаат.Энхэ элүүрые, амгалан байдал, мүн эгээл шухала- Эб найрамдал хүсэнэб! Эсэгэ Ороной баатарнуудта Алдар Соло», - гэжэ Владимир Павлов онсолбо.
Митингын һүүлээр Владимир Павлов Буряад Уласай Толгойлогшо Алексей Цыденовтай суг хамта Илалтын дурасхаалай Хүшөөдэ гүрлөө сэсэгүүдые табиһан байна.
