Буряад Уласай Арадай Хуралай Түрүүлэгшэ Владимир Павлов Эхэ Орондоо дуратайгаар хүмүүжүүлгын хуралдаанда хабаадаба. Ургажа ябаһан эдиршүүлые, залуу үетэниие Эхэ Орондоо дуратайгаар хүмүүжүүлхэ удхатай хэмжээ ябуулга Улаан-Үдэ хотодо үнгэрһэн байна.
Владимир Павлов форумдо хабаадагшадые амаршалхадаа, мүнөө сагта энэ талаар хүмүүжүүлгын ажал ябуулха шухала гээд тэмдэглэһэн байна.
«Эхэ Орондоо дуратай байха гээшэ юунһээшье сэнтэй. Буряад Уласаа Бүхэроссиин мүрысөөнүүдтэ дээгүүр, һайнаар харуулжа шадаһан хүбүүд басагадые мүнөөдэр шагнахабди. Нэн түрүүн тэдэнэрэй багшанарта, һургагшадта баяраа мэдүүлнэб», - гээд Владимир Павлов хэлэһэн байна.
Э. Р. Раднаевай нэрэмжэтэ эмнэлгын колледждо һурадаг Снежанна Кожанова, Владислав Ван гэгшэлд уласхоорондын мүрысөөндэ түрүүшын һуури эзэлһэн байна. 60-дахи һургуулиин һурагша Баир Яковлев үндэһэтэнэй «Абилимпикс» чемпионадта шалгараа.
Буряад Уласай Арадай Хуралай Түрүүлэгшэ Владимир Павлов Буряадай Толгойлогшотой суг залуушуулда шагналнуудые барюулһан байна.
Генерал-лейтенант Роман Греков форумдо хабаадагшадта хандажа, мүн лэ амаршалгын үгэнүүдые хэлэһэн байна. Улаан «Мы есть мы» бүлгэмэй концерт үргэлжэлөө.
