Վրաստանի մշակույթի և հուշարձանների պահպանության նախարարությունում դեկտեմբերի 11-ին տեղի կունենա ՙՄերոնք յուրայինների շրջանում՚ վավերագրական ֆիլմի շնորհանդեսը:
Ֆիլմը նվիրված է մինչ այսօր վրացական հասարակայնությանը քիչ հայտնի՝ Հայաստանում բնակվող վրացիների կյանքին ու գործունեությանը: ՙՎրաստանում վատ են իրազեկված այն մասին, թե ինչ դեր են խաղում վրացիների Հայաստանի հասարակական կյանքում, ինչ տեղ է զբաղեցնում վրացական մշակույթը Հայաստանում: Մենք փորձել ենք լրացնել այդ բացը՝ այդպիսով էլ ավելի մերձեցնելով երկու եղբայրական ժողովուրդներին՚,- ԱրմԻնֆո-ի թղթակցի հետ զրույցում հայտարարել է ֆիլմի հեղինակ Վիկտորա Մաքսոևան:
ՙՄերոնք յուրայինների շրջանում՚ ֆիլմի բեմադրող օպերատորը Գարիկ Աբելյանն է Հայաստանից: Նախագծին ֆինանսական օժանդակցութուն է ցուցաբերվել ՙՀորիզոն՚ հիմնադրամի, ՙԿովկասյան տուն՚ մշակութային փոխկապերի կենտրոնի, 2011-2014 թ. Վրաստանում Հայաստանի դեսպան Հովհաննես Մանուկյանի, Creative Georgia News տեղեկատվական-վերլուծական ռեսուրսի կողմից: Տեղեկատվական աջակցություն է ցուցաբերել Վրաստանի մշակույթի նախարարությունը:
Շնորհանդեսին հրավիրված են Վրաստանի կառավարության անդամները, վրաց և հայ մտավորականության ներկայացուցիչները:
