Өч балалы гаиләләргә субсидия күләме арта
Дәүләт өченче бала туган яки менә-менә өченче сабыйлары дөньяга килергә торган гаиләләргә өстәмә түләү чарасы бүлеп бирде.
Россия хөкүмәте рәисе боерыгы нигезендә әлеге юнәлешне финанслау күләме 925 миллион сумга арттырылган һәм ул 14,612 миллиард сум тәшкил иткән. Әлеге чара субсидия алуга хокукы булган гаиләләр саны арту һәм балалар өчен яшәү минимумы күләме үсү белән бәйле. Акчалар демографик ситуацияләре начар булган төбәкләргә җибәрелгән. Ил күләмендә мондый 53 субъект исәпләнә икән.