Россия халкына Төркиядә торак сатып алу яки арендалау тыелырга мөмкин
Ленинград өлкәсе депутаты Владимир Петров Россия халкы өчен бер елга шундый тыюлар кертергә тәкъдим итә.
Депутатның тәкъдимнәренә колак салынса, Россия халкына Төркиядә торак сатып алу гына түгел, аны арендалау да рөхсәт ителмәячәк. Ә кагыйдә бозучыларны 150 000-300 000 сумга штрафка тартмакчылар. Депутат фикеренчә, канун проекты Россия гражданнары һәм аларның чит илдәге милке куркынычсызлыгын булдыру максатыннан эшләнелгән.
Канун гамәлгә керә калса, Төркиядә торак белән бәйле хәлләрне хокук саклау, дәүләт органнары, кредит оешмалары, җирле үзидарә органнары, халыкара оешмалар һәм чит ил банклары үз күзәтүе астына алачак, дип яза Интертат.ру