Թուրքիայի փոխվարչապետ. Շարունակվում են բանակցությունները Ադրբեջանից լրացուցիչ ծավալի նավթի ու գազի գնման շուրջ
Շարունակվում են վարչապետի բանակցությունները Ադրբեջանից լրացուցիչ ծավալի նավթի ու գազի գնման շուրջ: Այդ մասին հայտարարել է Թուրքիայի փոխվարչապետ, կառավարության խոսնակ Նուման Քուրթուլմուշը:
Նա հայտարարել է, որ դեռևս 2008-2009թթ.-ին, Եվրոպայում ճգնաժամի օրերին Թուրքիան փնտրում էր այլընտրանքային շուկաներ: «Երբ մեկ դուռը փակվում է, Թուրքիան ներուժ ունի բացել մյուսըԼ Մեր աշխարհագրությունը դա թույլ է տալիս: Ինչ վերաբերվում է կապույտ վառելիքին, ապա մեր նախագահը կարճ ժամանակաընթացքում բանակցություններ է անցկացրել Քաթարի հետ՝հեղուկ գազի գնման շուրջ: Ադրբեջանի հետ շարունակվում են բանակցությունները նավթի ու գազի լրացուցիչ ծավալների գնման մասին», - նշել է նա, փոխանցում է Anadolu-ն:
Անդրադառնալով ՌԴ-ի հետ հարաբերություններին նա հայտարարել է, որ այդ հարաբերությունների կարգավորման համար իրենք բաց են պահում դիվանագիտական ու ռազմական խողովակները:
Նշենք, որ շատ փորձագետների կարծիքով, չնայած Անկարայի հռետորաբանությանը նրա փորձերը դիվերսիֆիկացնել էներգակիրների մատակարարումները անհաջողության են դատապարտված: Ոչ Քաթարը, ոչ Իրանը, ոչ էլ էլ Ադրբեջանը չունեն համապատասխան ծավալի՝ արտահանման համար նախատեսված գազ: