p bԵՐԵՎԱՆ, 10 սեպտեմբերի./ԱՌԿԱ/./b «Եվրասիական տնտեսական միության մաքսային տարածքից արտահանվող ապրանքների ծագումը որոշելու ներդաշնակեցված համակարգի մասին» համաձայնագրի նպատակն է համակարգել եւ միավորել երրորդ երկրներ արտահանվող ապրանքների ծագման երկրի որոշման հետ կապված բոլոր հարցերը, կարգավորել ապրանքների ծագման հավաստագրեր տրամադրող կազմակերպությունների գործունեությունը, վերացնել նշված ոլորտում առկա իրավական բացերը:/pp ՀՀ էկոնոմիկայի նախարարի տեղակալ Նարեկ Տերյանի խոսքով փաստաթուղթը ստորագրվել է 2023 թվականի դեկտեմբերի 4-ին Մոսկվայում։ Այս մասին տեղեկանում ենք Ազգային ժողովի տարածած հաղորդագրությունից։/pp Համաձայնագրով սահմանվում են ԵԱՏՄ մաքսային տարածքից արտահանվող ապրանքների ծագումը որոշելու միասնական մոտեցումները:/pp «Սա վերաբերում է նաեւ այն դեպքերին, երբ անդամ պետությունները երրորդ երկրների հետ առեւտրում միակողմանիորեն կիրառում են ոչ սակագնային կարգավորման միջոցներ»,- ընդգծել է Նարեկ Տերյանը:/pp Ըստ նրա՝ փաստաթղթի դրույթները միտված են ներդաշնակեցնելու արտահանողների հետ փոխգործակցության եւ ապրանքների ծագման հավաստագրերի տրամադրման մասով անդամ պետությունների լիազորված կազմակերպությունների գործունեությունը, այդ թվում՝ հետագայում գործակցության էլեկտրոնային ձեւաչափի անցման միջոցով:/pp Ակնկալվում է, որ ապրանքների ծագման հավաստագրեր տվող կազմակերպությունների հետ փոխգործակցության միասնական մեխանիզմների մշակումը կդյուրացնի անդամ պետությունների արտահանողների մուտքը երրորդ երկրների շուկաներ:/pp Պատգամավոր Միքայել Թումասյանը հետաքրքրվել է, թե արդյոք համաձայնագրի վավերացմամբ կլուծվեն թանկարժեք մետաղներից պատրաստված զարդերի արտահանման ժամանակ այդ իրերի ծագման վկայականին առնչվող հարցերը: Դրական պատասխանելով հարցին՝ զեկուցողը հիշեցրելnbsp; է, որ կես տարի առաջ ստեղծվել է արտադրողների միասնական ռեեստր, որտեղ որպես արտադրող կարող են գրանցվել թանկարժեք մետաղներից իրեր արտադրող ընկերությունները: Եվ այդ հանգամանքն արտահանման ընթացքում կվկայի իրի՝ Հայաստանում արտադրված լինելու մասին:br br Համաձայնագիրը քննարկվել է սեպտեմբերի 10-ի ԱԺ նիստում:/p
