p
bԵՐԵՎԱՆ, 2 սեպտեմբերի․/ԱՌԿԱ/․/b 2024 թվականի առաջին կիսամյակում Հայաստանից արտահանումն աճել է 2,3 տոկոսով, ներմուծումը` 86,2 տոկոսով,ասաց ՀՀ ֆինանսների նախարար Վահե Հովհաննիսյանն ԱԺ ֆինանսաբյուջետային հարցերի մշտական հանձնաժողովի նիստում։
/p
p
Նա մատնանշեց ոսկու մեծ ազդեցությունն արտաքին առևտրի ցուցանիշների վրա՝ նշելով, որ եթե հանենք ոսկու գործոնը, ապա հայկական արտադրանքի արտահանումը մոտ 4%-ով պակաս կլինի։ Հաշվետու ժամանակահատվածում ներմուծումն աճել է 86,5%-ով, սակայն առանց ոսկու գործոնի այս ցուցանիշը կնվազի 6,7%-ով։
/p
p
Ըստ էկոնոմիկայի նախարարության «Հայաստան. տնտեսական հեռանկարներ» 2024 թվականի օգոստոսի 30-ի հաշվետվության՝ 2024 թվականի հունվար-հունիսին հանրապետությունից իրականացված արտահանումը կազմել է 7 927,6 մլն դոլար՝ նախորդ տարվա նույն ժամանակահատվածի համեմատ ավելանալով 4 546 մլն դոլարով (2,3 անգամ): nbsp;Արտահանվող հիմնական ապրանքներն են ոսկին (4,118,7 մլն դոլարով, 14,7 անգամ ավել), ոսկերչական իրերը և դրանց մասերը (709,6 մլն դոլարով, աճ՝ 18,4 անգամ ավել), ադամանդի քարերը (397,3 մլն դոլարով, 55,7%-ի աճ), հեռախոսը և հեռախոսային սարքավորումներ (333 մլն դոլարով, 55,5%-ի աճ) և պղնձի հանքաքարը (267,6 մլն դոլարով, 17,1 տոկոսի աճ): Ավելին, 2024 թվականի առաջին կիսամյակում վերը նշված հինգ տեսակի ապրանքները միասին կազմում են ընդհանուր արտահանման 73,5%-ը, և միայն չմշակված ոսկուն կամ կիսաֆաբրիկատներին բաժին է հասնում արտահանման հիմնական ծավալի 52,0%-ը։
/p
p
Ինչ վերաբերում է ներմուծմանը, ապա 2024 թվականի հունվար-հունիսին այս ցուցանիշը կազմել է 10 479,7 մլն դոլար՝ նախորդ տարվա նույն ժամանակահատվածի համեմատ ավելանալով 4861,7 մլն դոլարով (86,5%–ով)։ Ներմուծվող հիմնական ապրանքներն են ոսկին (5,235,4 մլն դոլարով, աճը՝ 21,3 անգամ), հեռախոսային և հեռագրային սարքավորումները (419,7 մլն դոլարով, 26,8%–ի աճ), ադամանդները (399,6 մլն դոլարով, nbsp;56%–ի աճ), բնական և հեղուկ գազը (263,6 մլն դոլարով, 2,1%–ի անկում), մարդատար ավտոմեքենաները ($60,6 մլն դոլարով, անկում՝ 2,9 անգամ), նավթը և նավթամթերքը (209,7 մլն դոլարով, 8,0%–ի անկում)։
/p
p
Փաստաթղթի համաձայն՝ 2024 թվականի առաջին կիսամյակում վերը նշված 6 ապրանքները միասին կազմել են ընդհանուր ներմուծման 64,8%-ը, և միայն չմշակված ոսկուն և կիսաֆաբրիկատներին բաժին է հասել ներկրման ընդհանուր ծավալի 50.0%–ը։br
br
/p