Արթուր Սաքունց. ԿԸՀ տվյալներն իրականությանը չեն համապատասխանում
Սահմանադրական հանրաքվեի ԿԸՀ հրապարակած արդյունքներն իրիականությանը չեն համապատասխանում, լրագրողներին հայտարարել է Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը:
Նրա ասելով, քվեարկության նախնական տվյալները ոչ ավելին են, քան նկարված թվեր` հաշվի առնելով բազմաթիվ խախտումները: Սաքունցը նշել է, որ հանրաքվեի ընթացքում բացահայտվել են, մասնավորապես, քվեաթերթիկների լցոնման, լրագրողների և դիտորդների նկատմամբ ճնշման, երկրից բացակայող քաղաքացիների փոխարեն քվեարկության փաստեր:
Ժողովրդավարական ընտրությունների եվրիոպական պլատֆորմի ներկայացուցիչ Լենե Վեթելանդն իր հերթին հայտարարել է, որ քվեարկության արդյունքները չեն կարող համարվել օրինական, քանի որ Հայաստանի քաղաքացիների կամքը չեն արտացոլում: Ինչպես նշվել է, ՀՀԿ-ն ուժեղ ճնշում է գործադրել լրագրողների և դիտորդների նկատմամբ: «Մենք հիասթափվծա ենք հանրաքվեից», - հավելել է Վեթելանդը:
Նախնական արդյունքների համաձայն, սահմանադրական բարեփոխումների օգտին քվեարկել է 825851 ընտրող կամ ընտրողների 63,35 տոկոսը, դեմ` 421600 ընտրող կամ` 32,35 տոկոսը: Անվավեր է ճանաչվել 53 332 քվեաթերթիկ: Ընդհանուր առմամբ, սահմանադրական հանրաքվեին մասնակցել է 1 303 466 քաղաքացի, ինչը կազմում է ընտրողների 50.51 տոկոսը: Արձանագրության համաձայն, հանրաքվեին մասնակցելու իրավունք ունեցող քաղաքացիների թիվը կազմել է 2 567 047: