ԿԸՀ. Սահմանադրական բարեփոխումների օգտին քվեարկել է ընտրողների 63,35 տոկոսը
Ընտրողների 63,35 տոկոսը քվեարկել է սահմանադրական բարեփոխումների օգտին, դեկտեմբերի 7-ի նիստում հաղորդել է ԿԸՀ ղեկավար Տիգրան Մուկուչյանը:
Ժամը 10:00-ի նախնական արդյունքների համաձայն, սահմանադրական բարեփոխումների օգտին քվեարկել է 825851 ընտրող կամ ընտրողների 63,35 տոկոսը, դեմ` 421600 ընտրող կամ` 32,35 տոկոսը: Անվավեր է ճանաչվել 53 332 քվեաթերթիկ: Ընդհանուր առմամբ, սահմանադրական հանրաքվեին մասնակցել է 1 303 466 քաղաքացի, ինչը կազմում է ընտրողների 50.51 տոկոսը:
Արձանագրության համաձայն, հանրաքվեին մասնակցելու իրավունք ունեցող քաղաքացիների թիվը կազմել է 2 567 047, որից 198 230-ը քվեարկել է նույնականացման քարտերով:
Մինչդետ ընդդմությունը կարծում է, որ սահմանադրական հանրաքվեի արդյունքները կեղծվել են: Ինչպես ավելի վաղ նշել է «Ոչի» շտաբի ղեկավար, ՀԱԿ փոխնախագահ Լևոն Զուրաբյանը, կեղծիքների ծավալը հասել է 500 հազար ձայնի: Նրա ասելով, տեղի են ունեցել ինչպես քվեաթերթիկների լցոնումներ, այնպես էլ կրկնակի քվեարկություններ: Բացի այդ, ճնշում է գործադրվել ընտրական հանձնաժողովների անդամների նկատմամբ: