«Экология» раськень теварсевксэнь «Ванькс мастор» региононь проектэнть лувсо Рузаевкань буесэ поладови кудоютконь калгодо шукшпрянь рекультивациясь.
Мордовиясо те сех покш апак кемекста шукшпрясь – 21, 7 гектарт. Ламо иетнень перть тесэ таштавсть шукшонь 529 тёжадо ламо тоннат. Важодематне таркасонть ютыть шкань коряс. Прядовомань эскелькссэ рекультивациянь технической важодемась. Весе шукшось шаштозь чувозь ямас ды томбавозь. Лангозост путозь башка кирдемань кодст, кона а нолды коштос, модас ды ведес шукшосто явовиця апаро ёнкстнэнь. Седе тов, башка кирдемань кодстось почодови модасо, мейле кадови меельце эскельксэсь – биологической. Течинь чис таркань анокчись – 90 процентт. Важодематнень прядомс арсеви 2024 иень сексня.
