ՀՀ-ում ռուսական ռազմակայանի առկայությունը լուրջ գործոն է, որը զսպում է Անկարայի տարածաշրջանային նկրտումները: Այդ մասին հայտարարել է ՀՀ պաշտպանության նախկին նախարար Վաղարշակ Հարությունյանը՝ ասօր Երևանում VERELQ տեղեկատվական-վերլուծական կենտրոնի կազմակերպած կլոր սեղանի ընթացքում:
Ըստ նրա՝ ռուս-թուրքական հարաբերությունների վերջին սրացումներից հետո առկա է Անկարայի կողմից ղարաբաղյան ուղղությամբ սադրանքի սպառնալիք: "Թուրքիան և Ադրբեջանը ռազմավարական գործընկերներ են, Անկարան ղարաբաղյան հարցում միանշանակ ադրբեջանամետ դիրքորոշում է որդեգրել՝ նրա տարածքում պատրաստություն են անցնում ադրբեջանանակն բանակի սպաները", - պարզաբանել է նա:
Հարությունյանի կարծիքով, չպետք է հաշվի չնստել Անկարայի կողմից ռազմա-քաղաքական ինտերվենցիայի հավանականությունը, սակայն պետք է հաշվի առնել, որ ՀՀ-ի ու ՌԴ-ի ռազմավարական հարաբերությունները տարածաշրջանում կայունացնող դեր են խաղում:
«Պատմությունը ցույց է տալիս, որ Անդրկովկասում հարաբերական կայունությունը միշտ էլ կապված է եղել ռուսական ներկայության հետ: Որպեսզի այստեղ պատերազմ չլինի, պետք է լինի ՌԴ-ը: Եվ այսօր Բաքուն, այնպես, ինչպես Թուրքիան հասկանում է, որ առանց Մոսկվայի տարածաշրջանում ոչ մի հակամարտություն չի կարող կարգավորվել»,-նշել է Հարությունյանը՝ հավելելով, որ Հայաստանում ռուսական 102-րդ ռազմակայանի առկայությունը սառեցնում է «տաք գլուխներն» Անկարայում ու Բաքվում
