Գլոբալ ու տարածաշրջանային մարտահրավերներն եվրասիական ինտեգրացիան ակտուալ են դարձնում Անդրկովկասի երկրների, մասնավորապես Վրաստանի ու Ադրբեջանի համար: Այդ մասին հայտարարել է քաղաքագետ, Նորագույն պետությունների ինստիտուտի տնօրեն Ալեքսեյ Մարտինովը այսօր Երևանում VERELQ տեղեկատվական-վերլուծական կենտրոնի կազմակերպած կլոր սեղանի ընթացքում:
Փորձագետը նշել է, որ Անդրկովկասի երկրների շուրջ ստեղծված իրավիճակը, ռուս-թուրքական հարաբերությունների վատթարացումը Թուրիայի անտրամաբանական և անհասկանալի պահվածքի պատճառով, իրավիճակը Մերձավոր Արևելքում, ծայրահեղական տրամադրությունների աճը, մասնավորապես Ադրբեջանում. այդ բոլոր գործոնները միասին չեն թողնում մտածելու ժամական:
«Պետք է որոշում կայացնել: Ես կարծում եմ, որ դրանք ընդունվելու են մոտակա ժամանակներս, անխոս, հաշվի առնելով բոլորի շահերը: Այլ կերպ աշխատելն անհնար է: Ավարտվել է այն փուլը, երբ պետք է խորհել ու դանդաղել», - նշել է քաղաքագետը:
Պատասխանելով այն հարցին, թե ինչքանով է այսօր Բաքուն հետաքրքրված ԵԱՏՄ-ի հետ համագործակցությամբ, Մարտինովը նշել է, որ չնայած թվացող տնտեսական կայունությանը, որը պայմանավորված է էներգակիրների առկայությամբ, Ադրբեջանն այսօր կանգնել է լուրջ մարտահրավերներ առջև:
«Արևմուքի հետ հարաբերությունների վատթարացումը, հասարակությունում ծայրահեղական տրամադրությունների աճը, իրանական գործոնի առկայությունը, որը Բաքվի կողմից բավականին ոչ միանշանակ է ընկալվում, ստիպում են տեղի էլիտաներին ընտրել սեփական անվտանգությունն ապահովելու ուղիներ՝ ինքնապահպանման համար: Եվ այդ տեսանկյունից չի բացառվում, որ ադրբեջանական էլիտաների խոցելիությունը կարող է նրանց դրդել դեպի եվրասիականություն», - հավելել է նա:
