Таштамковонь 26-це чистэ саезь «Самара-Санкт-Петербург» поездэсь лиси маршрутс кавто кепедьксэнь полавкс ёнкссо. Лоткамот карми тейнеме Сарансо ды Рузаевкасо. Вейке кепедьксэнь вагонтнэнь кавто кепедьксэнсетнес полавтомась лезды топавтомс куншкань ды Равчирень регионтнэнь ютксо ардомас ардыцятнень вешеманть, истяжо лезды валгстомс билетэнь питненть. Сэрей поезднэс вешемась касы. Статистиканть коряс пель иенть перть кавто кепедьксэнь составтнэ уш усксть малав 7 миллионт ардыцят, секскак РЖД-нь прявттнэ састь мельс кастомс истят поездтнэнь ламочист.