ექსპრეზიდენტ მიხეილ სააკაშვილისთვის მოქალაქეობის შეჩერების შესახებ პრეზიდენტ გიორგი მარგველაშვილის მიერ მიღებულ გადაწყვეტილებას მმართველ გუნდში დადებითად აფასებენ. როგორც დეპუტატები ამბობენ, "დღეს მოხდა კანონის აღსრულება."
„საქართველოსთვის ეს არის იმის დემონსტრირება, რომ კანონი ყველასთვის კანონია ვინც არ უნდა იყოს ის,“ - ამბობს ზურაბ ტყემალაძე.
მმართველი კოალიციის წევრის ზვიად ძიძიგურის განცხადებით მიხეილ სააკაშვილს საქართველოს კანონმდებლობის თანახმად მოქალაქეობა აქამდეც უნდა შეჩერებოდა.
„როდესაც სხვა ქვეყნის მოქალაქე ხდება ავტომატურად უჩერდება საქართველოს მოქალაქეობა,“-აცხადებს ზვიად ძიძიგური.
პრეზიდენტ გიორგი მარგველაშვილის გადაწყვეტილება თამაზ მეჭიაურსაც მოსწონს. მისი თქმით პრეზიდენტი, როცა სწორ გადაწყვეტილებებს იღებს - კრიტიკას არ იმსახურებს.
„რატომ იყო აუცილებლი, რომ ყოფილიყო სხვა ქვეყნის გუბერნატორი ჩვენი ქვეყნის მოქალაქე, თანაც იმ ქვეყნის მოქალაქე იყო, რომლის ხელისუფლების შესცვლასაც ცდილობს,“ - აცხადებს თამაზ მეჭიაური.
