პარლამენტში მოწმეთა დაკითხვის წესთან დაკავშირებით მთავრობის ინიციატივით შემუშავებული კანონპროექტი განიხილეს.
ცვლილებები უკავშირდება გამოძიების პროცესში პირის გამოკითხვისა და მოწმის დაკითხვის პროცედურებს, რომლის მიხედვითაც მოწმეს ექნება თავისუფალი არჩევანის უფლება, მიაწოდოს ან არ მიაწოდოს ინფორმაცია გამომძიებელს ან დაცვის მხარის წარმომადგენელს.
კომიტეტის მსვლელობის განმავლობაში, კანონპროექტის ინიციატორები შეეცადნენ მათ მიერ წარმოდგენილი ინიციატივის უპირატესობების დამტკიცებას.
მთავარი არგუმენტი ის არის რომ, იმ შემთხვევაში თუ კი მოწმეს ექნება შესაძლებლობა, რომ უარი თქვას, საგამოძიებო უწყებაში დაკითხვაზე, ამის შემდეგ მაგისტრანტი მოსამართლის ჩართულობით მოხდეს მისი დაკითხვა.
„ამ კანონპროექტის თანახმად, თუ არსებობს ფაქტი ან ინფორმაცია, რომ პირი ფლობს გარკვეულ ინფორმაციას მომხდარი დანაშაულის შესახებ და უარს ამბობს გამოკითხვაზე, ასეთ შემთხვევაში, პროკურორს შეუძლია იშუამდგომლოს მაგისტრანტი მოსამართლის წინაშე, რათა ასეთი პირი დაიკითხოს მაგისტრანტ მოსამართლესთან,“- განაცხადა ალექსანდრე ბარამიძემ.
საქართველოს სასჯელაღსრულების, პრობაციისა და იურიდიული დახმარების მინისტრის პირველი მოადგილის თამარ ხულორდავას განმარტებით, მიმდინარებს მუშაობა, რათა მოხდეს მსაჯავრდებულთა დაწესებულებაში გადანაწილება რისკების მიხედვით.
„ეს პროცესი არის დაწყებული და არსებული საკანონმდებლო ბაზის მიხედვით, ჩვენ ვალდებული ვართ ეს პროცესი ბოლომდე მივიყვანოთ 2017 წლის პირველ იანვრამდე,“ - განაცხადა თამარ ხულორდავამ.