პარლამენტში მოწმეთა დაკითხვის წესთან დაკავშირებით კანონპროექტი განიხილეს.
ოპოზიციური პარტიის წარმომადგენლები აცხადებდნენ, რომ წარმოდგენილი კანონპროექტი ვერ უზრუნველყოფს საგამოძიებო უწყების მიერ გავლენის მოხდენას მოწმეზე.
ისინი აცხადებენ, რომ ამ კანონპროექტის ამოქმედების შემთხვევაში მხარეები არათანაბარ პირობებში არიან.
„უნდათ სამართალდამცავი ბერკეტები გამოიყენონ ოპონენტების, მედიის, არასამთავრობო ორგანიზაციების წინააღმდეგ. ბუნებრივია ასეთ შემთხვევაში ერთადერთი საშუალებაა გაყალბებული ჩვენებები, გაყალბებული მტკიცებულებები. გაყალბებული მტკიცებულებები შეიძლება მივიღოთ მაშინ, როდესაც ხდება მოწმეების დაშინება, დაშანტაჟება. დამცავი მექანიზმები როდესაც არ არის, უფრო მარტივია,“ - განაცხდა ნაციონალური მოძრაობის წევრმა აკაკი მინაშვილმა.
პარლამენტში იმყოფებოდნენ მესამე სექტორის წარმომადგენლებიც. არასამთავრობო ორგანიზაციებს, ოპოზიციის მსგავსად, შენიშვნები აქვთ წარმოდგენილ კანონპროექტთან დაკავშირებით.
ცვლილებები უკავშირდება გამოძიების პროცესში პირის გამოკითხვისა და მოწმის დაკითხვის პროცედურებს, რომლის მიხედვითაც მოწმეს ექნება თავისუფალი არჩევანის უფლება, მიაწოდოს ან არ მიაწოდოს ინფორმაცია გამომძიებელს ან დაცვის მხარის წარმომადგენელს.
