უშიშროების საბჭოს სხდომას, მუდმივმოქმედი წევრებიდან დღეს 3 არ დაესწრო. საგარეო საქმეთა მინისტრი და საგარეო ურთიერთობათა კომიტეტის თავმჯდომარე მივლინების, პრემიერმინისტრი კი პირადი გადაწყევტილების გამო.
ირაკლი ღარიბაშვილს დღეს სატელევიზიო კომენტარი არ გაუკეთებია. გუშინ საღამოს მისმა პრესსამსახურმა გაავრცელა ინფორმაცია, რომ პრემიერი უშიშროების საბჭოს სხდომაზე მისვლას არ გეგმავდა, –უშიშროების საბჭოს ის წევრები, ვინც დღევანდელ სხდომაზე მივიდა, აცხადებდნენ, რომ პრემიერის გადასაწყვეტია დაესწრება თუ არა ის მსგავს შეხვედრას.
დღევანდელი სხდომა, საფრანგეთში მომხდარი ტერაქტის და ე.წ. ისლამური სახელმწიფოსგან მომდინარე საფრთხეების გამო, დღის წესრიგის ამ ერთადერთი საკითხით დაიგეგმა, თუმცა ამ თემებზე სასაუბროდ, გიორგი მარგველაშვილის ხელმძღვანელობით გამართულ შეხვედრაზე ირაკლი ღარიბაშვილი არ მივიდა.
პრეზიდენტთან გამართული უშიშროების საბჭოს ხუთი სხდომიდან, პრემიერი პრეზიდენტის ადმინისტრაციაში მხოლოდ ერთხელ მივიდა, 2014 წლის 29 ოქტომბერს, ერთადერთხელ დაესწრო უშიშროების საბჭოს სხდომას, რომელიც ოკუპირებულ რეგიონებში არსებული ვითარებას დაეთმო.
ავტორი: თამარ ბაღაშვილი.
