Вишка ды средней предпринимательства» раськень теварсевксэнть лувсо МР-нь экономикань, микшнемань ды предпринимательствань министерствась «Монь бизнесэм» Куншкакуронть марто лезды Мордовиянь предпринимательтненень. Невтевкстнэнь эйстэ вейкесь – Александр Ширяев спортонь товаронь производствань компаниянь прявтось. «Монь бизнесэм» Куншкакурось кочкизе сонзэ 2023-це иень цётамотнень коряс сех вадря предпринимателекс. Бизнесменэсь лезды специальной военной операциясо улицятненень, сты сыненст оршамопельть, ды максы важодема пекстамо таркасто велявтозетненень. Ютазь иестэ Александр арсесь нолдамс эрьва чинь оршамопелень стамонть, теварсевксэсь теевсь изнявксовокс. Региононь солярной тешкссэ ды Мордовиянь раськень сюпавчисэ мельс аразь, компаниясь анокстась неень шкань эрицятненень чарькодевикс ды весенень рамавикс бренд.
«Ушодксонтень минь анокстынек 3 ковт. Те шканть перть лиссь анокстамс васенце модельтнень, кочкамс вадря кодст ды фурнитура. Весе миемапельтне ютасть теньс вешевиця тевконевтнень коряс куватьс кантнемас ваннома. Зярс минек продукциянть мереви муемс маркетплейссэ, но овсе курок брендэсь карми микшнемань таркатнесэяк», — корты Александр Ширяев.
Александр «Монь бизнесэм» Куншкакуронь сакшныця ды сонензэ тесэ свалшкане питневтеме максови лезэ: маркетплейстнэс лисема, фотоконтентэнь теема, «Эсь тевсэ сехте вадрят» Форумсо ды Байерэнь невтемасо улема. Государстванть пельде лезксэнь ды кевкстемань кис пшкадемс мереви «Монь бизнесэм» Куншкакурос Московская куро, 14-це кудо.
