Շահույթին ուղղված գործարքներ կատարելիս ներդրողն ինքը պետք է բոլոր ջանքերը գործադրի անվտանգության երաշխիքներ ստեղծելու համար
p
bԵՐԵՎԱՆ, 16 հուլիսի․/ԱՌԿԱ/․/b Ներդրումներն առանց ռիսկի դիմելու անհնար են։ Դրա աստիճանը մեծանում է ներդրումների ակնկալվող եկամտաբերության հետ մեկտեղ: Եթե դուրս չգաք առանց ռիսկի դրույքաչափից, այսինքն այն, որը թույլ է տալիս պահպանել միայն միջոցները, դուք չեք կրկնապատկի ձեր կապիտալը: Շահույթին ուղղված գործարքներ կատարելիս ներդրողն ինքը պետք է բոլոր ջանքերը գործադրի անվտանգության երաշխիքներ ստեղծելու համար։
/p
p
Պորտֆելը հավասարակշռող մեթոդի ընտրությունը կախված է ռիսկերի բնույթից: Վերջիններս կարելի է բաժանել համակարգային և սպեցիֆիկ ռիսկերի: Առաջինները կապված են արտաքին գործոնների հետ, որոնք կախված չեն ներդրողից և ազդում են ամբողջ շուկայի վրա, երկրորդը՝ կոնկրետ ընկերության գործունեության հետ։
/p
p
bՀամակարգային ռիսկերից են․/b
/p
p
– երկրային, որը պայմանավորված է պետության ներսում խնդիրների առաջացմամբ, որոնց պատճառը կարող է լինել քաղաքական կամ տնտեսական ճգնաժամը, այն հանգեցնում է ակտիվների արժեքի նվազման
/p
p
– շուկայական։ Ներդրողի կողմից ընտրված ակտիվի գնի նվազման ռիսկ
/p
p
– ԿԲ–ի որոշմամբ, տոկոսադրույքների փոփոխության ռիսկ
/p
p
– արժութային։ Ներդրումային արժույթի արժեզրկում
/p
p
– վարկային (դեֆոլտային)։ Թողարկողն ի վիճակի չէ ներդրողներին վճարել դիվիդենտներ կամ կուպոններ br
br
– գնաճային։ Երբ գների մակարդակը կտրուկ աճում է, փողն արժեզրկվում է, և ներդրողի եկամուտները նվազում են
/p
p
– ոլորտային։ Ոլորտում, որտեղ գործում է թողարկողը, աճում են արտադրության ծախսերը (հումք, աշխատուժ), նվազում է վերջնական պրոդուկտի արժեքը կամ բիզնեսի շահութաբերությունը, այսինքն՝ ռեսուրսների օգտագործման արդյունավետությունըbr
br
– ենթակառուցվածքային։ Ներդրողի և շուկայի միջնորդը (բրոքեր, կառավարող ընկերություն, բորսա) չի կատարում պայմանագրով նախատեսված պարտավորությունները։ Հաճախ հիմնական պատճառը աշխարհաքաղաքական լարվածությունն է, կոնկրետ երկրի նկատմամբ պատժամիջոցների սահմանումը, վճարային համակարգից անջատելը, հաշիվների արգելափակումը, ներդրողների համար օտարերկրյա հարթակների հասանելիության արգելքը
/p
p
– իրացվելիության ռիսկ։ Պարզվում է, որ ներդրողի ֆինանսական գործիքը դժվար է վաճառել շահավետ պայմաններով։
/p
p
Ներդրողը չի կարողանում սկզբունքորեն ազդել համակարգային ռիսկերի մակարդակի վրա։ Դիմակայության մեջ նրան օգնում են սեփական ռազմավարության ճշտությունը, անկումների նկատմամբ ֆինանսական և էմոցիոնալ պատրաստվածությունը։
/p
p
Ռիսկերը կանխատեսելիս և նկարագրելիս՝ փորձագետներն ավանդաբար կողմնորոշվում են գնաճի տեմպերով և ներքին պահանջարկով աշխարհի առաջատար շուկաներում՝ ԱՄՆ, Չինաստան և Եվրամիություն։ Առանցքային դերակատարների վիճակն ազդում է միջազգային առևտրային հարաբերությունների վրա։
/p
p
Կախված ակտուալ գլոբալ պայմաններից՝ ռիսկերից մեկն ավելանում է, իսկ մյուսները՝ նվազում, այդ պատճառով անհրաժեշտ է հաշվի առնել կոնկրետ հանգամանքները կորուստների նվազեցմանն ուղղված մոտեցման հարցում։
/p
p
Այսպես, աճող գնաճի դեպքում խորհուրդ է տրվում գնել ակտիվներ, որոնց վրա ծայրահեղ կերպով չեն ազդի ֆինանսական շուկայի փոփոխությունները՝ արժեքավոր մետաղներ, պարտատոմսեր, որոնք ինդեքսավորվում են՝ հաշվի առնելով գնաճը, հումքային պրոդուկտներ, անշարժ գույք։
/p
p
Ենթակառուցվածքային սպառնալիքների դեմ պայքարի տարածված ռազմավարությունը ներդրումներն են տարբեր երկրների շուկաներում։ Օրինակ, դուք կարող եք բացել կենսաթոշակային ներդրումային հաշիվ լոկալ բրոքերի մոտ և ներդրում կատարել արտասահմանյան ինդեքսային ֆոնդում։
/p
p
Առանձնահատուկ զգուշությամբ պետք է վերաբերվել ոչ զարգացած տնտեսություն ունեցող, անկայուն սոցիալական և քաղաքական վիճակում գտնվող երկրների ակտիվներին։
/p
p
img width=669 src=/upload/medialibrary/225/225a07a717ac2bdecf3bae4d144eb75e.jpg height=445 title=фридом alt=фридомbr
/p
p
bՍպեցիֆիկ ռիսկերից են․/b
/p
p
– գործնական։ Ընկերության ղեկավարությունն ընդունում է ոչ օպտիմալ որոշումներ, որոնք հանգեցնում են վնասների և նույնիսկ սնանկության
/p
p
– ֆինանսական։ Կազմակերպությունն այլևս չի կարողանում վճարել պարտքային պարտավորությունները գործընկերների նկատմամբ
/p
p
– գործառնական։ Ռիսկային են ակտիվների հետ գործողությունները, որոնք ներդրողը կատարում է ինքնուրույն կամ բրոքերի հրահանգով։
/p
p
Պաշտպանվելու համար ներդրողը պետք է հետևի թողարկողին։ Ընկերության կրած մշտական վնասները, պարտքերը, տարեկան վատ ցուցանիշները և նորարարությունների բացակայությունը վկայում են այն մասին, որ չարժե ընտրել նրա ակտիվները։
/p
p
Եթե ձեզ համար սկզբունքորեն կարևոր են դիվիդենտները, ուսումնասիրեք վճարումների պատմությունը և ընկերության վարած քաղաքականությունը։ Ակտիվներ ընտրելիս՝ ավելի լավ է առաջնահերթությունը տալ այն թողարկողներին, որոնք կայուն կերպով վճարել են բաժնետերերին և պորտֆելում հավաքել մի քանի դիվիդենտային թղթեր։
/p
p
bԻնչպես որոշել ռիսկի պոտենցիալ մակարդակը․/b
/p
p
·nbsp;nbsp;nbsp;nbsp;Եթե հիմնական գործիքները դասավորենք առավել հուսալիներից դեպի պակաս կայունները, կստացվի՝ պետական պարտատոմսեր – կորպորատիվ պարտատոմսեր – առաջին կարգի խոշոր ընկերությունների բաժնետոմսեր – փոքր և միջին ձեռնարկությունների բարձր եկամտաբերությամբ պարտատոմսեր – բաժնետոմսեր – ֆյուչերսներ և օպցիոններ։
/p
p
·nbsp;nbsp;nbsp;nbsp;Բորսաները, որպես կանոն, ակտիվները մակնշում են՝ ըստ ռիսկի աստիճանի, օրինակ՝ տալիս են գնահատական, առավել կայուն թղթերը հրապարակում են հատուկ բաժիններում, նշում են այն թողարկողներին, որոնց սպառնում է սնանկություն։
/p
p
·nbsp;nbsp;nbsp;nbsp;Հեղինակավոր գործակալությունները կազմում են ընկերությունների և թղթերի ծավալուն և մանրամասն վարկանիշեր, որոնք հաճախ ներառում են տարբեր երկրների դերակատարների։
/p
p
bԻնչպես պայքարել ռիսկերի դեմ/b
/p
p
Պոտենցիալ սպառնալիքների նվազեցման արդյունավետ և հուսալի մեխանիզմը պորտֆելի դիվերսիֆիկացումն է, պետք է կապիտալը բաշխել տարբեր ֆինանսական գործիքների միջև, որոնց արժեքների միջև փոխազդեցությունը հասցված է նվազագույնի։
/p
p
Տարածված մոտեցումներից է նաև հեջավորումը։ Նկատի ունենալով այն հանգամանքը, որ պորտֆելի հիմնական ակտիվների գինը կնվազի, ներդրողներն իրենց միջոցները ներդնում են այն գործիքներում, որոնց գինը բացասական սցենարի դեպքում կաճի։ Հեջավորումը հաճախ իրականացվում է բարձր ռիսկայնություն ունեցող գործիքների միջոցով (ֆյուչերսներ և օպցիոններ, կարճ դիրքեր և այլն), այդ պատճառով այն չի համարվում օպտիմալ երկարաժամկետ և պասիվ ներդրումների համար։
/p
p
img width=669 src=/upload/medialibrary/e5d/e5d6d567143c1bb2edc5adfb67bfea00.jpg height=445 title=фридом alt=фридомbr
/p
p
bԱմփոփում/b
/p
p
Ժամանակ և ուժ մի ծախսեք լիովին անվտանգ և եկամտաբեր գործիք որոնելու համար, այն պարզապես գոյություն չունի։ Անհրաժեշտ է չտրվել էմոցիոնալ արձագանքների և դիվերսիֆիկացնել պորտֆելը։ Դա կօգնի ամրապնդել կապիտալը, պատրաստվել համակարգային ռիսկերի ազդեցությանն ու զգալիորեն նվազեցնել սպեցիֆիկ ռիսկերը։
/p
p
Պոտենցիալ սպառնալիքներին դիմակայելիս՝ անհրաժեշտ է հաշվի առնել մի քանի սկզբունք․
/p
p
·nbsp;nbsp;nbsp;nbsp;nbsp;Եկամտաբերության աճին զուգահեռ ավելանում է ակտիվի ռիսկայնությունը
/p
p
·nbsp;nbsp;nbsp;nbsp;nbsp;Յուրաքանչյուր գործիք ունի իր առանձնահատկությունը
/p
p
·nbsp;nbsp;nbsp;nbsp;nbsp;Այս կամ այն սպառնալիքի առաջացումը մեծ մասամբ կախված է կոնկրետ հանգամանքներից
/p
p
·nbsp;nbsp;nbsp;nbsp;nbsp;Ընտրելով հնարավոր կորուստների նվազեցման մեթոդ՝ հաշվի առեք ռիսկերի բնույթը։
/p
p
iՆյութը պատրաստվել է ԱՌԿԱ, «ԱՄԻ Նովոստի-Արմենիա» գործակալության ևnbsp;/ia href=https://ffin.am/ target=_blankiFreedom Broker Armenia/i/ai–իnbsp;/ia href=https://arka.am/am/news/a_year_of_investing_in_yourself/ target=_blanki«Ֆինանսական ինքնակրթման տարի»/i/ainbsp;համատեղ նախագծի շրջանակում:/ibr
/p
