ՎՏԲ-Հայաստան Բանկն ու MasterCard-ը խրախուսական ակցիա են անցկացրել
ՎՏԲ-Հայաստան Բանկն ամփոփել է MasterCard միջազգային վճարային համակարգի հետ համատեղ անցկացվող Cirrus/Maestro, MasterCard Standart եւ MasterCard Gold քարտերի վաճառքը խթանող մոտիվացիոն ծրագրի 2-րդ փուլը:
Ծրագրին մասնակցել են բանկային քարտերի վաճառք իրականացնող աշխատակիցները:
ՎՏԲ-Հայաստան Բանկի ղեկավարությունը խրախուսել է այն աշխատակիցներին, որոնք առավել ակտիվ են մասնակցել աշխատանքային գործընթացին՝ հասնելով լավագույն արդյունքների:
Ակցիայի շրջանակում բանկի այն աշխատակիցները, որոնք 2015թ. օգոստոսի 1-ից մինչեւ հոկտեմբերի 30-ը ընկած ժամանակահատվածում իրականացրել են MasterCard քարտերի վաճառք, ստացել են բոնուսային պարգեւատրում, իսկ 20 աշխատակիցներ, որոնք ցուցաբերել են քարտերի վաճառքի լավագույն արդյունք, մասնակցել են խաղարկության:
Դրամային մրցանակի շահող է դարձել «Ապարան» մասնաճյուղի ֆինանսական խորհրդատու Մխիթար Մխիթարյանը:
MasterCard բանկային քարտերի վաճառքը խթանող ծրագիրն իրականացվել է երկու փուլով՝ սկսած 2015թ. մայիսից: Յուրանքանչյուր փուլի ավարտին լավագույն աշխատակիցները պարգեւատրվել են, կայացել է մրցանակների խաղարկություն:
Խթանող ծրագրի արդյունքում Cirrus/Maestro, MasterCard Standart եւ MasterCard Gold քարտերի վաճառքը զգալիորեն աճել է:
«ՎՏԲ-Հայաստան Բանկը պարբերաբար անցկացնում է նմանատիպ խթանող ծրագրեր, որոնց շնորհիվ աճում են բանկի աշխատակիցների մասնագիտական հմտությունները եւ մոտիվացիան: Մենք բարձր ենք գնահատում մեր այն գործընկերներին, ովքեր ոչ միայն մասնագիտորեն կատարում են իրենց պարտականությունները, այլեւ նախաձեռնող են եւ նպատակասլաց: ՎՏԲ-Հայաստան Բանկի զարգացումը անհնարին կլիներ առանց միասնական կոլեկտիվի, որը ձգտում է լավագույն արդյունքների: Շնորհակալություն եմ հայտնում գործընկերներիս իրականացված աշխատանքի համար եւ մաղթում հետագա հաջողություններ»,- ասել է «ՎՏԲ-Հայաստան Բանկ» ՓԲԸ Գլխավոր տնօրեն-Տնօրինության նախագահ Յուրի Գուսեւը: