Умарьковонь 1-це чистэ Темниковасо ушодови колмо чинь перть ютавтовиця човартаркань спортонь видэнь спортонь покш фестиваль. Покшчись вейсэндясы Россиянь эрьва кодамо регионтнэстэ 500 ламо ломантнень. Фестивальс совить спортонь седе тов видтнэнь коряс пелькстамотне: оскасо налксема, човаронь волейбол ды човаронь вишка пильгеоска.
Спортонь пелькстамодо башка ютавтомань таркасо теевить интерактивень эрьва кодат локацият, фототаркат ды музыкань программа. Истяжо арсеви ютавтомс «Зов леса» велочиема. Фестивалень весе пелькстамотне ютыть ошонь човартаркасо, ушодксось 10 чассо. Спортонь покшчинь ютавтыцясь – Темниковань буень администрациясь ДОМ.РФ генеральной партнёронь кирдеманзо вельде. Човаронь спортонь видэнь фестивалесь тееви Мордовиянь кезэрень ошонь невтемапелекс ды тейсы эсензэ путовксонзо республикасо туризмань касомас-кепетемас.
«Аволь умок ДОМ,РФ прядызе Темниковань буень мастер-планонь тееманть. Оскасо налксемасо минь нейтяно туристэнь лия ёнов а молиця бренд ды спортонь профессионалонь истят мероприятиянь ютавтомань кекшезь виенть. Тень пингстэ полады туристэнь брендэнтькак, ды лезды кастомс таркань инфраструктуранть, юткост гостиницансенть», — тешкстызе Антон Финогенов ДОМ.РФ ошонь таркань кастомань прявтось.
