"ეს გადაწყვეტილება სოციალურად მავნებლურია" - ირაკლი აბესაძე შსს-ს ინიციატივაზე
შინაგან საქმეთა სამინისტროს ახალი ინიციატივა უკვე მეორე დღეა კრიტიკული მსჯელობის საგანია. არასამთავრობო სექტორში და ოპოზიციაში დაგეგმილ სიახლეებთან დაკავშირებით კითხვები აქვთ. კრიტიკული შენიშვნები აქვთ ოპოზიციაშიც.
„მარჯვენა საჭიანი მანქანების აკრძალვა ეწინააღმდეგება პირდაპირ ქართულ კანონმდებლობას, საკუთრების უფლებას, საქართველოს კონსტიტუციას. ეს გადაწყვეტილება არის ერთის მხრივ კანონ საწინააღმდეგო, მეორეს მხრივ სოციალურად მავნებლური, რადგან გაურთულებს ცხოვრებას იმ ადამიანებს, რომლებიც შედარებით იაფი - მარჯვენა საჭიანი მანქანებით ახერხებენ გადაადგილებას და ხშირ შემთხვევაში, ეს მათთვის შემოსავლის წყაროა,“ - აცხადებს თბილისის საკრებულოს ფრაქცია ნაციონალური მოძრაობა - თბილისის თავმჯდომარე ირაკლი აბესაძე.
თბილისის საკრებულოს თავმჯდომარის პირველი მოადგილის განმარტებით უსაფრთხოება ყველაზე მნიშვნელოვანია და ამას შესაძლოა ვინმეს ბიზნეს ინტერესი არ დაემთხვეს თუმცა, გიორგი ტყემალაძის თქმით, სახელმწიფო ვალდებულია უსაფრთხოების კუთხით ყველა ზომა გაატაროს.
საუბარია სამინისტრის ახალ ინიციატივაზე, რომელიც მარჯვენა საჭიან ავტომობილებს და დამრღვევი მძღოლების დაჯარიმების ახალ წესებსა და მეთოდებს უკავშირდება.