Мордовиясо аштемковсто эрицятнень занятостень Куншкакурос «Важодемань кизэ» республикань акциянтень мелень явомга пшкадсть 1 тёжа 138 од ломанть. Сон лезды эйкакштненень важодемс кизэнь оймсема шкасто.1 тёжа 119 эйкакштненень важодемась важодемань таркатнесэ максозель нурька шкас.
Кода пачтясть занятостень службань специалисттнэ, весемезэ республикасо эйкакштнень туртов анокстазельть 1167 важодемань таркат. Вейке важодемань таркасо важодемс мереви зярыя ломантненень. Школасо тонавтницятнень эйстэ ки-бути важоди ков эли кавто, а ки-бути – весе оймсеманть перть. Цёракштнень тердить важодемас муниципальной предприятиятне: цецяпандянь кочкомо, цецянь валномо, луганартнэнь ледема ды урядамо. Заводтнэс эйкакштнень саить лездыцякс, аволь стака важодемас. Истяжо кизна эйкакштне важодить курьерэкс, кол-куншкакуронь важодицякс.
