Яңа ел алды фотоконкурсы дәвам итә
Яңа ел бәйрәме ул – матур итеп бизәлгән чыршы, мандарин исе, бүләкләр, сабыйларның Кыш Бабай белән күрешүе, ә иң беренче чиратта бу бәйрәм – күңелдә туган матур хисләр, яхшылык, игелеккә ышаныч һәм барысы да яхшы булачакка өмет. Шуңадыр, мөгаен, без кырык эшне читкә куеп булса да, өйне, эш урынын бизәргә, үз-үзебезнең күңелебезне күтәрү өчен кечкенә булса да матур гамәлләр кылырга тырышабыз. “Якты юл” газетасы редакциясендә дә һәрвакыт ыгы-зыгы –Тукай районы, анда яшәүчеләрнең хезмәте, тормышы турында мәкаләләр әзерләүдән тыш, төрледән-төрле вак-төяк мәшакатьләре җитәрлек була. Шулай да, безнең хезмәткәрләр, ел саен, декабрь аенда бүлмә бизәргә вакыт табарга тырыша. Узган елны алар, мәсьәлән, тәрәзәләргә менә шундый гаҗәеп сурәтләр төшереп, кергән-килгән һәркемне сокландырды, шаккаттырды.
Соңрак сезне быелгы бизәлгән бүлмә фотолары белән дә таныштырырбыз әле. Ә әлегә исегезгә төшерәбез, Яңа ел алды фотобәйгесе дәвам итә, катнашырга ашыгыгыз. Беренче катнашучыбыз белән монда танышырга мөмкин. Үз кулыгыз белән ясалган – бәйләнгән, тегелгән, ябыштырылган, өреп кабартылган, пешерелгән бәйрәм бизәкләрен ясап, фотога төшереп, безнең электрон почтага юлларга кирәк: yakti.ul76@gmail.com
Җиңүчене язма астындагы комментарийлар саны буенча билгелиячәкбез. Иң күп фикер саны иясен бүләк көтә!